تيوبماين واضرارة على قنوات اليوتيوب 2020
 |
تطبيق تيوبماين واضرارة على قنوات اليوتيوب
الطرد من شركاء يوتيوب… !!!
في شهر 6 / 2020
يوتيوب عدلت سياسة الانضمام لشركاء يوتيوب
بحيث إنها تحكم على القناة إنها بعد مدة هيتم طردها من يوتيوب او ميزة تحقيق الربح هتتلغي للقناة بعد فترة معينة
+أضرار تيوبماين وحقيقية تيوب ماين (طرف ثالث)
فلو أنت منشئ محتوي فبلاش تيوبماين نهائي
وخليك في الأمان..
تبادل الاشتراكات ونقص أعداد المشتركين : ودي يوتيوب وضح أزاي بتم في سياسة التفاعلات الزائفة (طرف ثالث)
كمان اليوتيوب عارف نسبة المشاهدات بتم أزاي أو من خلال مين، هل بتم من خلال المشتركين.. ؟ ولا من بحث المحركات.. ؟
ودي يوتيوب وضحها في قناتك إنه موضح نسبة المشاهدات
فلو أنت عملت تبادل ووصلت 1000 مشترك. كده أنت تمام.
ولگن المفروض ع الأقل خالص 100 مشاهدة لكل فيديو ينزل ودي أقل حاجة يعني نسبة 10% من عدد المشتركين
فلو مفيش تفاعل أكيد هتلاقي اليوتيوب نزل عدد المشتركين
بسبب إنهم مش متفاعلين 👌
بس نحسبها كويس..!
أي الفايدة لما اجيب 1000 مشترك و 4000 مشاهدة
واتقبل في شركاء يوتيوب.. ؟؟
مفيش أي فايدة نهائي.. !
بمعنى أنت رافع كام فيديو وبتتبادل عليهم سواء تبادل او من تيوبماين.. ؟
100 او 300 ؟؟ مش كفاية بجد
لأنك بعد ما تتقبل في برنامج شركاء يوتيوب ،إذا اتقبلت!
هتواجه مشكلة الفكرة او مشكلة المحتوي نفسه لأنك لازم تحافظ على مستوى قناتك وتحافظ على عدد المشتركين
وده لازم تجديد فمتقوليش طول عمرك هتنشر في الجروبات وتقول تبادل وده يضحك عليك ويقولك تيوبماين… إلخ
بس هل أنت فعلاً عرفت هتعمل إيه… ؟؟
أنت اعتمدت على التبادل فمعني كده فشلت في إنك تحسن قناتك في محركات البحث ! فهل ده ينفع لمحتوي.. ؟؟
محتوي هيبقي موجود ديماً ومش ظاهر في محركات البحث.!
خلينا نتكلم عن 4 حاجات واكتر منها بس نركز ع ال 4:
أنت متأكد أنك كاتب عنوان الفيديو صح… ؟؟
يعني مستوفي الشروط ؟
1⃣ هل عنوان الفيديو بحد ذاته كلمات مفتاحيه ؟؟
بما لا يقل عن 5 كلمات مفتاحيه.. ؟؟
متأكد… ؟؟؟
مثال للبحث دور في اليوتيوب او جوجل وصور جوجل على العناوين دي 👇
"الطرد من شركاء يوتيوب "
"سياسة التفاعلات الزائفة "
"تقييد التفاعل "
أنهى نتيجة بحث… .؟؟؟
" وهتلاقي الرد على كلامك. هو أزاي طلع نتيجة البحث في جوجل ولسه الفيديو جديد… ؟؟؟
2⃣ أنت متأكد إنك كاتب وصف الفيديو صح… ؟؟
يعني عامل نبذه مختصرة عن الفيديو في أول سطور الوصف.. ؟؟
أوعى تكون كاتب الكلمات المفتاحية في الوصف 🤔
قناتك هتترفض في المراجعة او هتتحذف .. 👌لأنك بتخالف سياسة يوتيوب… !!!
3⃣ مصمم صورة مصغرة صادقة… ؟؟
يعني مش منتهكة لسياسة يوتيوب ؟؟
او جايب صورة مصغرة من قناة تاني او محتوي تاني ؟؟
متأكد ؟؟؟
4⃣ متأكد أنك كاتب العلامات المفتاحية كويس… ؟
يعني كاتب كلمات مفتاحيه مناسبة.. ؟؟
متأكد أنك مش منتهك سياسة يوتيوب… ؟؟ وكاتب كلمات مفتاحيه مطلوبة في البحث ولكن ملهاش اي صلة بمحتوي الفيديو… ؟ الفيديو هيتحذف بأقل بلاغ..!!!
5⃣ اخترت محتواك أزاي ؟؟
هل اخترت محتوي مميز ؟؟
ولا اخترت محتوي شائع بطريقة كبيرة… ؟؟
أنت عارف إن الحاجات اللي فوق دي 👆أسمها "سيو"
بمعني إنك تخلي محتواك صديق لمحركات البحث وتكتشفه بسهولة…
وده ليه كلام بعدين وليه شرح خاص..
انا مش بحبطك انا بفوقك وبقولك مفيش مشاهدات بتيجي لحد عندك ولا مشتركيين
قدم محتوي مفيد حتي لو كان ملكش صوت كويس او متردد او لو معملتش حاجة زي كده ..
ناس كتير في في الجامعة ولسه معندهاش جراءه تتكلم كده
وناس ممعاهاش شهادة ومتمكنه من الكلام ده
بمعني إنك غير حد
اليوتيوب فكرة جديدة عليك فلازم تكون متردد وخايف ..
خليك على هدفك او بمعني أصح خليك على فكرتك 👌
"إِنَّ الَّذِينَ آمَنُوا وَعَمِلُوا الصَّالِحَاتِ إِنَّا لَا نُضِيعُ أَجْرَ مَنْ أَحْسَنَ عَمَلًا (30)"
اسأل واستفسر مفيش مشاكل بس لو هقدر أساعدك هساعدك اول ما أشوف استفسارك " بعيداً عن الأرباح "
وبالتوفيق والنجاح للجميع إن شاء الله ❤❤
يمكنك تغيير موقعك واستخدام موقع وهمى على اجهزة الاندرويد عن طريق تطبيق رائع جدا وصغير الحجم.
معرفة اخر ظهور واتساب تطبيق رائع ايضا
تعليقات
إرسال تعليق